眼睛淚水分泌會隨住年齡增加而減少，過去乾眼症患者多數係高齡族群。但而家呢個年代乾眼症已經漸漸年輕化，因為大部分人工作時需要長時間望住電腦、智能電話，或者係長期配戴隱形眼鏡，導致眼表面嘅淚液量減少誘發乾眼症。
如果覺得自己有輕微眼乾，眼科醫生建議試試以下方法：
1/ 每工作六十分鐘遙望遠景約六分鐘，望綠色物件最為理想。
2/ 咪埋眼，再上下左右咁轉動眼球。
3/ 天氣乾燥時，可以利用發熱包或熱敷眼罩敷眼，促進眼淚分泌。
4/ 利用放濕機提升室內濕度，減少淚水揮發。
淚水有保護角膜嘅作用，如果失去淚水保護，角膜有機會受細菌感染而受損、結疤，最終令視力下降，造成不可逆轉嘅傷害，所以係唔能夠忽視架（尤其長時間戴隱形眼鏡嘅客人）！
🎨 IG @notabearrr