深度數故事小分享

三四歲就開始戴眼鏡嘅阿倫，有豐富嘅配眼鏡經驗。深度數嘅佢都中過唔少伏，試過配完眼鏡出嚟，不單止鏡片厚，而且睇野好攰——原來店員無講解點樣揀眼鏡同鏡片，仲要無度位！難怪出到嚟大失所望，真係當交咗學費 今次阿倫過嚟，喺GENIC同事協助之下，揀咗一副岩面形又細少少嘅鏡框，亦選用咗以前未配過嘅雙非球面鏡片，效果真係有目共睹～ 除咗鏡片薄咗，眼睛縮小嘅情況明顯減少，阿倫仲話宜家上落樓梯唔駛好似以前咁小心翼翼 雙非球面鏡片幫助修正周邊影像扭曲，同時減少過度嘅放大／收縮，尤其適合深度數朋友！鏡片左右兩側變形程度降低，戴落當然就會更加舒服啦

小六已經600度近視，Hazel從小飽受深度數之苦 曾經因爲搵唔到心宜又適合嘅鏡框而日夜戴con，戴到雙眼又乾又澀；亦試過用千幾蚊配咗副鏡片厚到突哂出嚟嘅眼鏡，戴上去對眼望落好細，最後都係喺櫃桶度擺多過戴 唔知深度數嘅各位有無共鳴⋯⋯ 喺GENIC同事細心講解後，今次Hazel揀咗個加厚圈嘅金屬框，唔止正面睇保持到線條細緻，鏡點包裹度更好 選用PENTAX雙非球面鏡片，鏡片更加薄之餘，旁人望見嘅時候，都無咁多圈圈 縮眼問題大大減少～ 其實只要揀返適合嘅鏡框同鏡片，深度數都可以配到舒服又美觀嘅眼鏡咖

青春期長高得快，眼球急速咁拉長，JC中學時期每幾個月就要換一副新眼鏡。除咗近視度數一路咁加深，亦因為經常使用電腦，散光問題越嚟越嚴重，年輕嘅佢已經有成300度散光⋯⋯ 曾經喺出面配眼鏡配唔足度數，令JC睇遠野好攰好吃力，今次視光師用心地量度同調節，務求JC睇得清晰又舒服！平衡價錢同性能後，JC選用咗APOLLO雙非球面鏡片，令影像扭曲嘅情況爽減少，唔需要咁多調節時間，自然就睇遠睇近都咁自在啦